Anton Quni flet për Demarkacionin!

Deputeti i Lidhjes Demokratike të Kosovës, Anton Quni ka reaguar pas raportimit të mediave se ai ka ndryshuar mendje për votimin e marrëveshjes për demarkacionin me Malin e Zi.

Ai i ka thënë Gazeta Blic se nuk ka asgjë të vërtetë nga këto raportime.

” Absolutisht e vërtet nuk është, nëse unë nuk jam burimi atëherë nuk është i saktë. “, ka thënë shkurt Anton Quni, për Gazetën Blic.

Ndryshe, tash e sa kohë tre liderët e vendit, presidenti i vendit, Hashim Thaçi, kryeministri Isa Mustafa dhe kryetari i Kuvendit, Kadri Veseli kanë shtuar presionin ndaj deputetëve për ta votuar këtë marrëveshje.

Madje, i pari i LDK-së ka thënë se ata që nuk e votojnë këtë marrëveshje nuk kanë më çka rrinë në parti.

Në anën tjetër, opozita është më e vendosur si kurrë më parë që ta pengoj kalimin e kësaj marrëveshjeje./Gazeta Blic/

Bëje LIKE faqen PodujevaPRESS për tu njohur me lajmet e fundit nga Podujeva: KLIKO KËTU