Analisti Preteni: Momenti i fundit për marrëveshje, ndryshe Mustafa po nënshkruan përmbysjen përfundimtare të LDK-së

Tashmë ka filluar takimi mes Albin Kurtit dhe Isa Mustafës në ambientet e Kuvendit të Kosovës, si vazhdimësi e takimit të djeshëm mes liderëve me qëllim arritjen e marrëveshjes për bashkëqeverisje, raporton veriu.info.

Lidhur me këtë situatë ka folur edhe analisti dhe gazetari, Musa Preteni, i cila ka thënë se sot është momenti final për marrëveshje dhe dakordim nga ana e Isa Mustafës për t’i dhënë rrugë formimit të qeverisë së re të vendit.

Në rast se kjo nuk ndodh, Preteni konsideron se është përmbysja përfundimtare e LDK-së dhe në veçanti e Isa Mustafës, i cili duhet të pranojë krijimin e rrethanave të reja politike dhe humbjen e radhës në këto zgjedhje parlamentare.