Amerikanët i drejtohen edhe një herë Kurtit: Të shtyhet afati i targave, të evitohen tensionet

Kryeministri i Kosovës, Albin Kurti po përballet me kërkesa të shumta për ta shtyrë zbatimin e vendimit për targat e lëshuara për qarkullim në Kosovë nga autoritetet serbe. Ai, sot ka biseduar përmes telefonit edhe me Këshilltarin Special Amerikan, Derek Chollet.

Vetë Kurti, në njoftimin e tij, nuk ka dhënë detaje mbi diskutimin që e kanë zhvilluar rreth afatit të qeverisë për targat deri më 31 tetor, mirëpo Chollet ka njoftuar se diskutimi ka qenë për rëndësinë e shtyrjes së zbatimit të vendimit për t’i evituar tensionet.

Spoke w/ Kosovo PM @albinkurti today to discuss the importance of avoiding tension & postponing the implementation of new license plate rules, without confiscations or fines. Also discussed our partnership & shared goals of advancing Kosovo's European & Euro-Atlantic integration.

— Derek Chollet (@CounselorDOS) October 27, 2022

“Fola sot me kryeministrin e Kosovës, Albin Kurti për ta diskutuar rëndësinë e shmangies së tensioneve dhe shtyrjes së zbatimit të vendimit për targat e reja, pa konfiskime apo gjoba. Gjithashtu, diskutuam edhe partneritetin dhe objektivat e përbashkëta për ta avancuar integrimin evropian dhe euro-atlantik të Kosovës”, ka njoftuar Chollet.

Thirrjes së Chollet, i është bashkuar edhe ambasadori i Shteteve të Bashkuara të Amerikës në Kosovë, Jeff Hovenier, i cili ka shpërndarë njoftim dhe ka thënë se është e rëndësishme të shmanget tensionet dhe të shtyhet vendimi për targat.

Hovenier, gjithashtu, ka dënuar aktet hakmarrëse ndaj serbëve që tashmë kanë bërë konvertimin e targave.

“E rëndësishme që të shmangen tensionet dhe të shtyhet vendimi për zbatimin e targave. Po ashtu, ne dënojmë veprimet intimiduese apo hakmarrëse ndaj tyre që kanë konvertuar targat e tyre”, ka shkruar ambasadori Hovenier.

Important to avoid tensions and postpone implementation of new license plate rules. We also condemn actions to intimidate or retaliate against those who have changed their plates. https://t.co/LkujTK0opf

— Ambassador Jeff Hovenier (@USAmbKosovo) October 27, 2022

Në një njoftim të mëhershëm të Kurtit lidhur me diskutimin me Chollet, ai nuk ka treguar për kërkesat e zyrtarit amerikan, por ka thënë se e ka falënderuar atë për mbështetjen e vazhdueshëm të SHBA-së për integrimet euroatlantike të Kososvës.

“Sot fola me Këshilltarin Special Amerikan, Derek Chollet dhe e falënderova për mbështetjen e vazhdueshme për Kosovën për integrimin euroatlantik. Siç tregohet në @TheWJP Raporti i vitit 2022, Kosova duke u renditur si e para në WB6 dhe i dyti më i përmirësuar në nivel global, ne përsëri dëshmojmë se sundimi i ligjit shkon krah për krah me paqen, sigurinë dhe demokracinë”, ka shkruar Kurti.

Today I spoke w/ & thanked @CounselorDOS for 🇺🇸's continued support for 🇽🇰's Euro-Atlantic integration. As shown in @TheWJP 2022 report, ranking 🇽🇰 as 1st in WB6 & 2nd most improved globally, we again prove that rule of law goes hand in hand w/ peace, security & democracy.

— Albin Kurti (@albinkurti) October 27, 2022