Peci dorëzohet para presionit publik: Anulon grantet për këshilltarin e tij dhe
Ambasadori Sabri Kiçmari kujton 28 vjetorin e rënies së Ali Ajetit në mënyrë të veçantë
Ambasadori i Republikës së Kosovës në Australi, z. Sabri Kiçmari e ka kujtuar në mënyrë të veçantë 28 vjetorinë rënies herokike të Ali Ajetit, njofton PodujevaPRESS.
Ky ësht postimi i tij i plot:
Sot është 28-Vjetori i rënies heroike të shokut tim Ali Ajeti. Në shenjë kujtimi po e ndaj me ju poezinë që kam shkruar të nesërmen e rënies së tij. Poezia ka qenë botuar në “Zërin e Kosovës.”
Një rreze e ngrohtë maji Kosovën rrezoi
(Dëshmorit Ali Ajeti)
Sot do të dëshiroja të isha poet,
Të shkruaj fjalët e luftëtarit të rënë,
Por, e di, kjo punë pak më ngjet,
Unë këmbengulë: ato kam për t’i thënë.
Nga t’ia nisi e gjer ku të shkoj, poezia ime,
Sonte nga mendja s’më hiqet AI,
E di. Sonte s’mund të shkruaj shumë,
Vetëm fjalët, buzëqeshjen e dëshmorit Ali.
(Unë s’do përlotë vargjet, as poezinë
As loti s’dua t’më shkon
Se do kujtoj heroin e rënë për liri
Atë që me ne gjithnjë jeton.)
Qenka vështirë të shkruash pak,
Për Atë që i dha aq shumë çështjes sonë,
Për Atë që pak ditë më parë marshonim bashkë,
E tash ne ecim, kur ai nën dhe pushon.
Nga t’ia nis e gjer ku të shkoj, poezia ime,
Sa shumë për të thënë sonte mbeti,
“Përshëndeti shokët! Unë po vdes për liri…, për liri…, për liri…!”
Ishin fjalët e fundit të dëshmorit Ali.
Dhe ra mbi kallinjtë e grurit,
Dhe gjaku i tij arën mbuloi.
Shokët hynë lart në mal, shpëtuan,
Një rreze e ngrohtë maji Kosovën rrezoi.
Vrushkuj gjaku rrjedhin nëpër deje, poezia ime,
Nëpër male lisat strehë na bëhen,
Planet e errëta të serbomëdhenjëve,
I shlyejmë ne, kur të rënët shtohen.
Aliu ynë vdekur, jo, nuk ka
Bashkë me ne ai vie në aksion,
Bir i popullit në betejë ra,
Krah për krah gjithnjë bashkë marshon.
(Llap, 31. Maj 1989)
