Ambasadori amerikan: Sot një lajm i frikshëm për të korruptuarit

Ambasadori amerikan në Kosovë, Greg Delawie, përmes një postimi në Twitter ka përshëndetur miratimin e Ligjit për ekzekutimin e saksioneve penale, sot nga Kuvendi i Kosovës.

Delawie e ka cilësuar si lajm të tmerrshëm miratimin e këtij ligji, për të gjithë ata politikanë e zyrtarë shtetëror të korruptuar.

‘Kuvendi sot mori një hap konkret për të luftuar korrupsionin, me miratimin e Ligjit për ekzekutimin e sanksioneve penale. Lajm i frikshëm!’, ka shkruar Delawie në twitter.

Ndryshe, miratimin e këtij ligji, tash e një kohë janë duke e kërkuar ambasadorët e shteteve mike, në veçanti ambasadori britanik, Ruairi, O’Connell dhe ai amerikan, Greg Delawie.

Deputetët fillimisht kishin refuzuar të jepnin votat e tyre për këtë ligj, por në fund ata duket të jenë dorëzuar përballë presionit të ndërkombëtarëve. /gazetametro/