Albin Kurti vjen në Podujevë për të hapur Shërbimin e Hemodializës në Poliklinikën Specialistike

Sot, më 8 gusht 2025, në Podujevë do të inaugurohet Shërbimi i Hemodializës, i cili për herë të parë do të jetë në funksion për qytetarët e kësaj komune, njofton PodujevaPRESS.net.

Në ceremoninë zyrtare të hapjes do të marrin pjesë Kryeministri i Republikës së Kosovës, Albin Kurti, Ministri i Shëndetësisë, Arben Vitia, Kryetari i Komunës së Podujevës, Shpejtim Bulliqi, si dhe Drejtori i SHSKUK-së, Elvir Azizi.

Ceremonia do të zhvillohet në objektin e Poliklinikës Specialistike, në Rrugën “Hakif Zejnullahu” të Podujevës, me fillim nga ora 10:00.

Ky investim shënon një hap të rëndësishëm në përmirësimin e shërbimeve shëndetësore dhe lehtësimin e trajtimit për pacientët me nevojë për dializë, të cilët deri më tani kanë qenë të detyruar të udhëtojnë jashtë komunës.