Vdes mamia llapjane Sanije Topanica, iu ndihmoi grave në lindje gjatë luftës
Albin Kurti me disa deputetë bojkotojnë seancën solemne të Parlamentit
Edhe pse të shtunën, Albin Kurti uroi shqiptarët për Ditën e Pavarësisë, ai të dielën nuk shkoi të merrte pjesë ne seancën solemne për nder të Dhjetëvjetorit të Shtetit. Përkundër kësaj, grupi tjetër i deputetëve, Visar Ymeri, Dardan Molliqaj, Fisnik Ismaili etj shkuan të nderojnë Republikën
Lideri i sapozgjedhur i Vetëvendosjes, Albin Kurti, e ka bojkotuar seancën solemne për nder të Dhjetëvjetorit të Pavarësisë. Nuk ka shkuar fare në seancë. Njëjtë kanë vepruar edhe një pjesë e deputetëve të VV’së që i nënshtrohen Kurtit.
Por, kështu nuk kanë vepruar Visar Ymeri, Dardan Molliqaj dhe deputetët që nuk i nënshtrohen liderit të partisë.
Molliqaj dhe Ymeri bashkë me Dardan Sejdiun, Fisnik Ismailin dhe disa deputetë të tjerë kanë nderuar himnin dhe kanë marrë pjesë në seancën solemne.
Sidoqoftë, një ditë më parë, Kurti shkoi në Prekaz dhe uroi qytetarët për ditën e Pavarësisë.
Kurti vazhdimisht ka kundërshtuar mënyrën se si është bërë Republika e Kosovës. Ka paralajmëruar shpalljen e një Republike të Tretë, me simbole e himn tjetër. Disa herë ka thënë se duhet të ndodhë edhe bashkimi me Shqipërinë.
Vetëvendosje edhe zyrtarisht është ndarë në dy pjesë. Edhe pse partia më e madhe në Parlament, ajo me ndarjen e grupit të Molliqajt dhe Ymerit del e treta, aty ku ka qenë prej vitesh.
