“Të vras”, “E han plumbin” | Çifti e kërcënojnë njëri – tjetrin
![Aksioni i Policisë: Ky është i dyshuari që u arrestua për shitblerje të drogës](https://podujevapress.net/wp-content/uploads/2023/10/arrestim-600x360-1.png)
Aksioni i Policisë: Ky është i dyshuari që u arrestua për shitblerje të drogës
Një aksion i Policisë i zhvilluar në fshatin Bob të Kaçanikut rezultoi me arrestimin e një personi të dyshuar për shitblerje të drogës dhe sekuestrimin e një sasie të marihuanë. Ndaj të dyshuarit që u prangos është nxjerrë aktvendim për fillimin e hetimeve dhe i njëjti është dërguar në mbajtje, raporton Gazeta Sinjali.
Burimet brenda Prokurorisë kanë bërë me dije se bëhet fjalë për V. Ç, 33-vjeçar, i cili është arrestuar në shtëpinë e tij, ku Policia kreu bastisje.
Me rastin e kontrollit policor, është gjetur një sasi e narkotikëve dhe pajisje të tjera, që janë sekuestruar bashkë me provat e tjera.
Pas përfundimit të aksionit, i dyshuari është shoqëruar në stacion policor, ku është intervistuar lidhur me veprën me të cilën ngarkohet.
I njëjti po dyshohet se ka kryer veprën penale “Blerja, posedimi, shpërndarja dhe shitja e paautorizuar e substancave narkotike, psikotrope ose analoge.”
Rastin e kanë konfirmuar edhe nga Policia Rajonale në Ferizaj.
“Është arrestuar i dyshuari mashkull kosovar, pasi që gjatë kontrollit të shtëpisë së tij, i është gjetur dhe konfiskuar 19 gram substancë narkotike e llojit Marihuanë dhe një mulli. Me vendim të prokurorit i dyshuari është dërguar në mbajtje.”