Aksident në Peran të Podujevës, përplasen dy vetura

Një aksident trafiku është raportuar të ketë ndodhur pasditen e sotme në fshatin Peran të Podujevës, shkruan Gazeta Sinjali.

Në pamjet që ka siguruar Gazeta Sinjali, shihen dy vetura të dëmtuara rëndë pas një përplasjeje mes tyre.

Deri më tani nuk raportohet për persona të lënduar, por në vendin e ngjarjes janë shkaktuar dëme materiale të konsiderueshme.

Gazeta Sinjali ka kontaktuar Policinë e Kosovës për më shumë informacione dhe është në pritje të një përgjigjeje zyrtare lidhur me shkaqet dhe pasojat e këtij aksidenti.

Në vendin e ngjarjes kanë dalë edhe njësitë policore për të bërë ekzaminimet e nevojshme.