Aksident i rëndë në lagjen “Kodra e Trimave”, lëndohen 3 persona |PAMJE

Aksidenti i ndodhur në orën 12:00 në rrugën “Bahri Fazliu”, ka lënë të lënduar tre persona.

Policia ka njoftuar për IndeksOnline se në aksident kanë qenë të përfshira dy vetura dhe si pasojë janë lënduar 3 persona.

“Rreth  orës 12:00 në rrugën “Bahri Fazliu” në Prishtinë, ka ndodhur një aksident komunikacioni me lëndime trupore, ku janë të përfshira dy vetura. Si pasojë tre persona janë të lënduar. Personat e lënduar janë dërguar për trajtim mjekësor. Me rastin po merret Njësiti i trafikut”, tha për IndeksOnlinen zëdhënësja e Policisë për rajonin e Prishtinës, Flora Ahmeti.