AKR mbledh strukturat e partisë, sonte vendoset për koalicionet e mundshme

Rrëzim i i qeverisë ka bërë që partitë politike të fillojnë aksionin e koalicioneve. Tashmë janë deklaruar disa koalicioni parazgjedhore, mirëpo po flitet edhe një koalicion i mundshëm mes Aleancës Kosova e Re dhe Lidhjes Demokratike të Kosovës.

Lajmi.net ka kontaktuar me këshilltarin e Behgjet Pacollit, Jetlir Zymberaj i cili nuk ka dhënë detaje sa i përket këtij informacioni duke thënë, se për këtë do të vendosin strukturat e partisë, mirëpo tani për tani nuk ka asgjë konkret.

Zymreraj tha, se tani AKR ka themeluar Shtabin Qendror i cili do të kryesohet nga Rrahim Pacolli dhe se AKR do të arrij suksesin e viti 2007.

“AKR ka themeluar shtabin e vet qendror, ai është i njëjtë me atë të vitit 2007, ku AKR ka marr 16% të votave. Shtabi Qendror i AKR-së do të udhëheqë nga Rrahim Pacolli, një figurë e rëndësishme për partinë dhe i fuqishëm në aspektin organizativë, andaj besojmë fuqishëm”, ka thënë ai.

Sa i përket koalicioneve me partitë të tjera, Zymberaj ka thënë, se për këtë do të vendosin strukturat e partisë.

“Sonte në mbrëmje mbahet mbledhja e Kryesisë dhe Këshillit Drejtues të partisë, e më pas vendoset për hapat e AKR-së”, ka thënë në fund ai. /Lajmi.net/