Peci dorëzohet para presionit publik: Anulon grantet për këshilltarin e tij dhe
Ahmeti: Veturat ndalohen të qarkullojnë vetëm në qendër, jo në hyrje të Prishtinës
Kryetari i Prishtinës, Shpend Ahmeti, ka bërë me dije se nuk do të ketë ndalesë në hyrje të Prishtinës për veturat që vijnë nga jashtë kryeqytetit. Përmes një statusi ai ka qartësuar se gjatë ditës do të ketë ndalesë për qarkullim në qendër të Prishtinës, duke përjashtuar vetëm transportin publik, i cili tha se do të jetë falas për të gjithë.
Derisa qytetarët e Prishtinës po përballen me ajër helmues, ende nuk është gjetur një zgjidhje për eliminimin e kësaj gjendjeje të rrezikshme.
Kryetari i Prishtinës, Shpend Ahmeti, ka bërë të ditur se në orën 14:00 do të jepen detaje rreth qarkullimit të veturave në kryeqytet.
“Do të ndalohet qarkullimi për makina në rrugë të qendrës gjatë ditës, përveç transportit publik i cili do të jetë FALAS. (Pra nuk bëhet fjal; për tabela, këto komuna e ato komuna) e as për hyrje të qytetit”, ka shkruar ai.
Ahmeti ka bërë të ditur se gjithashtu do të ndalohet shitja e thëngjillit dhe do të ndalohet përdorimi i tij nga bizneset nëpër lagje të Prishtinës.
“Kjo është fazë emergjente dhe në momentin e stabilizimit të situatës hiqen këto masa. Shëndeti është primar dhe këto janë masat afatshkurtra që mundet me i ndërmarrë komuna”, ka shkruar Ahmeti derisa ka bërë të ditur se kompetencat tjera janë të nivelit qendror. /GazetaExpress/
