Vdes mamia llapjane Sanije Topanica, iu ndihmoi grave në lindje gjatë luftës
Agjentët rusë e përdoren Facebook-un për ta spiunuar Macronin gjatë fushatës presidenciale në Francë
Agjentët e inteligjencës së Rusisë kishin tentuar ta spiunonin fushatën zgjedhore të presidentit të Francës, Emmanuel Macron, në fillim të këtij viti duke krijuar persona të rremë në rrjetin social Facebook, sipas një kongresmeni amerikan dhe dy personave tjerë.
Rreth 24 llogari ishin krijuar në Facebook për t’i mbikëqyrur zyrtarët e fushatës së Macronit dhe personat e tjerë të afërt me të derisa ai po tentonte ta mposhte nacionalisten e ekstremit të djathtë Marine Le Pen dhe kundërshtarët tjerë në zgjedhjet me dy runde, thonë këto burime, transmeton Express.
Macron ia doli t’i fitoi bindshëm zgjedhjet e majit.
Në muajin prill, Facebook njoftoi se kishte ndërmarrë veprime kundër llogarive të rreme që po shpërndanin keq informata për zgjedhjet në Francë.
Në të kaluarën nuk është raportuar rreth përpjekjeve për të depërtuar në rrjetet sociale të zyrtarëve të Macronit./Express/
