Agim Veliut i djeg kandidimi eventual i Lutfi Hazirit për kryeminister

Nënkryetari i LDK-së, Agim Veliu është shprehur i habitur me emrat e kandidatëve për postin e kryeministrit, duke thënë kush po i përmend këtë emra.

Nëpër media janë duke qarkulluar tre emra si kandidatë të mundshëm për postin e kryeministrit në LDK: Avdullah Hoti, Lutfi Haziri si dhe Lumir Abdixhiku.

“Kush po i përmend ata, po ani more zgjidhni ju në media, përcaktoni për kë të doni”, është shprehur ai raporton Gazeta Blic.

Gazeta Blic nga burime brenda kësaj partie kanë bërë të ditur se deri më tani kandidati më serioz është nënkryetari i kësaj partie, Lutfi Haziri.

Mirëpo, do të varet shumë edhe nga Agim Veliu dhe disa njerëz të tjerë të kësaj partie, se kush do të jetë kandidati për kryeministër”, thonë burimet e Gazeta Blic.

Ditë më parë ka qenë vetë Isa Mustafa ku në përvjetorin e themelimit të LDK-së në Istog, ka dhënë lajmin se ai do të tërhiqet nga pozita e kryeministrit për LDK-në për t’i dhënë mundësinë një anëtari tjetër për të marrë postin e kryeministrit./GazetaBlic/