Peci dorëzohet para presionit publik: Anulon grantet për këshilltarin e tij dhe
Agim Veliu: S’ka bojkot, deputetët marrin pjesë në seancë
Njëri prej udhëheqësve të LDK’së, Agim Veliu, ka thënë se deputetët e kësaj partie do të marrin pjesë në seancën e radhës. Ka thënë se LDK nuk merr vendime për të bojkotuar institucionet. Reagimi i Veliut vjen pak ditë pasi Avdullah Hoti tha se s’do të marrin në seancë pa u qartësuar rruga e konsitutimit të Parlamentit.
Shefi i Grupit Parlamentar të LDK’së, Avdullah Hoti, kishte paralajmëruar se nuk do të marrin pjesë më në seanca të Parlamentit pa u qartësuar se si do të themelohen institucionet e Republikës. Në këtë formë, ai kishte paralajmëruar bojkot të Parlamentit nga LDK nëse edhe më tutje vazhdon të mos ketë rrugë për themelimin e institucioneve.
Por, është Agim Veliu që i ka rrëzuar të gjitha paralajëmërimet e Avdullah Hotit.
Nënkryetari i LDK’së ka thënë se deputetët do të marrin pjesë në seancat e Parlamentit. Ka kërkuar që sa më shpejt të themelohen institucionet.
“Duhet me marrë pjesë në seancë, nuk ka nevojë me marr vendim. LDK s’ka marrë vendime për kësi lloj bojkotimesh. Duhet me u zgjedh organet e Kosovës, Kuvendi, e me vazhdu me e procedu qeverinë, kjo nuk është ndonjë problem”, tha Veliu, për indeksonline.
Ai ka sqaruar se vazhdojnë të kundërshtojnë kandidaturën e Veselit për Kryetar të Parlamentit.
“Vendimi për mos ta votuar Kadri Veselin për kryeparlamentar është tashmë i njohur. LDK çdo kandidat tjetër që del në propozim do ta shqyrtojë, do ta shohë cilat janë kualitetet edhe do të votojë. Deputetët janë në kuvend për të votuar. Por votimi jo domosdoshmërish duhet me qenë pozitiv, ka edhe votim prapa dhe votim kudër”, ka shtuar ai.
