Agim Veliu në “siklet”, nuk po mund ta zgjedh kryesuesin e Kuvendit në Podujevë!?

Janë bërë më shumë se dy javë qëkur Agim Veliu është betuar si kryetar i komunës së Podujevës, mirëpo ende nuk është bërë zgjedhja e kryesuesit të kuvendit, transmeton PodujevaPRESS.com

Krejt kjo si mungesë e numrave në kuvend pasi që LDK si subjekt në zgjedhjet e 22 tetorit 2017 sigurojë 15 këshilltarë komunal, e që për të zgjedhur kryesuesin duhen 18 vota, të cilat LDK nuk i ka, ani pse para disa ditësh Agim Veliu bëri marrëveshje me kryetarin, njëherësh asambleistin e Partisë së Drejtësisë, Esat Ejupin, prap nuk i ka votat.

(Agim Veliu dhe Esat Ejupi)

LDK, konkretisht Agim Veliu sipas burimeve të PodujevaPRESS-it kishte shpresuar se do të arrinte marrëveshje me AAK e cila ka  dy (2) asambleistë, por që kjo e fundit kishte kërkuar tre (3) drejtori si dhe pozitën e nënkryetarit të komunës, gjë të cilen e ka refuzuar Veliu.

Tani siç duket për Veliun gjërat janë komplikuar edhe më shumë pasi që AAK dhe Balli Kombëtar Demokrat që ka një (1) asambleist kanë bërë marrëveshje që të jenë bashk si grup i këshilltarëve brenda asamblesë komunale dhe ata përsëri i kanë kërkuar Veliut tri (3) drejtori si dhe pozitën e nënkryetarit.

(Fatmir Humolli i AAK dhe Gazmend Islami nga BKD)

Një burim i ka treguar PodujevaPRESS-it se pakënaqësi ka edhe në mesin e grupit të asambleistëve të LDK, konkretisht nga persona që vijnë nga sfera e biznesit. Ky burim ka treguar se ata e kanë kushtëzuar Veliun lidhur me emërimin e drejtorëve.

Shpresat e Agim Veliut janë tek thyerjet e Vetëvendosjes në Podujevë, konkretisht gjahun e ka filluar tek dy asambleistë të kësaj partie. Burimi i ka treguar redaksisë sonë se Veliu e ka si opsion edhe oferta për PDK në Podujevë e cila ka shtatë (7) asambleistë, mirëpo ka  dyshime se anëtarësia dhe struktura brenda kesaj partie mund të mos e pranonin ofertën ani pse sipas po këtij burimi individë të caktuar veq kanë filluar bisedimet për bashkëqeversije.

Mbetet të shihet se si do të veprojë i rizgjedhuri kryetar komune në Podujevë në ditët në vijim, por ajo që po shihet është se Agim Veliu është në “siklet” të madh.

Asambleja komunale ka gjithsejt 35 këshilltarë/PodujevaPRESS.com/