Agim Veliu me pasuri të paluajtshme që nuk i dihet vlera

Ministri i Punëve të Brendshme, Agim Veliu i cili deri dje ishte kryetar i komunës së Podujevës, në AKK ka deklaruar se merr pagë mujore prej 1 mijë e 187 euro e 82 cent.

Para të gatshme, Veliu ka deklaruar se i ka 11 mijë e 770 euro. Pasuri të paluajtshme, ai ka thënë që ka 73.33 ari tokë të punuar, që është pasuri e trashëguar.

Veliu gjithashtu ka deklaruar në Agjencinë Kundër Korrupsion shtëpi me oborr, por që ka shkruar se nuk e ka asnjë metër katror, duke mos deklaruar sipërfaqën e saktë.

Gjithashtu në pronësi të Veliut është edhe një banesë prej 76.10 m2 që është e blerë në vitin 2008 dhe truall prej 10 ari e blerë në vitin 2015.

Për këtë pasuri të paluajtshme, Veliu nuk ka vendosur vlerën se sa kushton.