Dy dorëheqje për një muaj, çka po ndodh në kabientin e Shpejtim
A po tallet qeveria Kurti me llapianët, me 6 milion euro për rrugën Podujevë-Prishtinë?!
Kryeministri i Republikës së Kosovës, Albin Kurti, kishte mbajtur konferencë së bashku me kryetarin e Podujevës, Shpejtim Bulliqi, rreth punimeve në magjistralen Podujevë-Prishtinë më datën 2 nëntor 2021 në fshatin Sibofc, në përfundim të fushatës zgjedhore, transmeton PodujevaPress.net
Që nga ajo kohë thuajse nuk është bërë asgjë në këtë drejtim. Punimet po bëhen vetë sa për sy e faqe dhe shumicën e kohës nuk punohet fare.
Para një muaji i është dhënë një shtresë e asfaltit nga fshati Gllamnik deri në Sibofc dhe kaq ka përfunduar gjithçka.
Premtime të tilla dhan edhe ministrat e tij por gjithçka ka mbetur vetëm në nivel të deklaratave, kurse kjo magjistrale është bërë shumë e rrezishme për vozitësit.
Sot Ministri Liburn Aliu ka publikuar shumat të cilat janë ndarë nga qeveria Kurti për projektet e mëdha infrastrukturore në Kosovë e ku për rrugën Podujevë-Prishtinë janë ndarë vetëm 6 milion euro.
Kjo shumë nuk u mbulon shpenzimet as për së afërmi për rregullimin e rrugës Podujevë-Besi.
Ministri Sfeqla ka thënë se nga viti 2011 deri në vitin 2021 në magjistralen Podujevë – Prishtinë kanë ndodhur 51 aksidente që kanë përfunduar me fatalitet me 57 të vdekur.
Gjatë kësaj periudhe kanë ndodhur mbu 1500 aksidente me dikund 3660 qytetar të lënduar.
Por çka kishte deklaruar kryeministri Kurti vitin e kaluar kur kërkonte votën e llapjanëve për Shpejtim Bulliqin. Ai kishte deklaruar se punimet në këtë rrugë janë zvarritur mjaftueshëm, teksa do të përfundojnë në vitin e ardhshëm.
“Jemi këtë së bashku me kryetarin Bulliqi, të konstatojmë një zvarritje, përveç që është e dëmshme, është edhe e paarsyeshme, teksa sektori dy do të përfundojë deri në fund të vitit 2021, ndërsa në vitin 2022 ne zotohemi që do të përmbyllim punimet dhe gjithçka tjetër që është e nevojshme, në këtë mënyrë që kjo rrugë që e lidh llapin me kryeqytetin të jetë e përfunduar, dhe njerëzit të mos kenë më vështirësi në këtë trafik kaq të dendur, sikur të ishte në mes të Prishtinës”, kishte thënë Kurti.
Kujtojmë se Albin Kurti është lideri vetëm deri më tani që partia e tij ka marr 26 mijë vota më 14 shkurt 2021 në Podujevë.
Se a u gënjyen banorët e Podujevës nga zoti Kurti për premtimin e dhënë, këtë më së miri e dijnë llapjanët që udhëtojnë çdo ditë në këtë magjistrale.
