A po shkojmë në zgjedhje, nesër vazhdon seanca e Kuvendit Komunal në Podujevë për zgjedhjen e kryesuesit?!

Kuvendi i komunës së Podujevës mbajti mbledhjen e radhës

Punimet e seancës, edhe këtë radhë siç parashihet me rregullore, i udhëhoqi anëtari më i moshuar i kuvendit HIlmi Hoxha, ndërsa prezent në seancë ishte edhe kryetari i komunës, Shpejtim Bulliqi.

Në fillim të seancës u betuan dy anëtarët e rinj të kuvendit, Fahri Hasani nga LDK dhe Mimoza Abdullahu-Stublla, të cilët zëvendësuan Ekrem Hysenin dhe Floretë Zejnullahun.

Në rend të ditës ishte zgjedhja e kryesuesit të kuvendit dhe Komitetit për Politikë dhe Financa (KPF). Për kryesues të kuvendit u propozua vetëm një kandidate, Adelinë Stublla, nga Grupi i këshilltarëve të Lëvizjes Vetëvendosje!. Ndërsa, partitë tjera të përfaqësuara në kuvend nuk patën propozime.

Seanca i zhvilloi dy raunde të votimit, ndërsa në raundin tretë, për mungesë kuorumi, me kërkesë të kryetarit Bulliqi, seanca i ndërpreu punimet për t’i vazhduar nesër në ora 10:00.

Në adresimin e tij para asambleistevë kryetari Bulliqi tha se partitë opozitare po e bllokojnë procesin e zgjedhjes se kryesuesit të kuvendit dhe kërkoj shtyerjen e seancës për nesër, në mënyrë që të marrin kohë për diskutim dhe për gjetjen e një rrugëzgjidhje për zgjedhjen e trupave të kuvendit.