A do të ketë takim VV dhe LDK sonte?

Ndonëse është pritur që sonte Albin Kurti dhe Isa Mustafa do të takohen përsëri për të diskutuar mundësinë për të bashkëqeverisje, duket se ata s’do të shihen në mbrëmbje, shkruan IndeksOnline.

Një zyrtarë i lartë i Lidhjes Demokratike të Kosovës për IndeksOnline ka thënë se sonte nuk do të zhvillohet asnjë takim me Vetëvendosjen.

Kujtojmë se afro gjashtë orë ka zgjatur takimi i mbrëmshëm në mes të Lëvizjes “Vetëvendosje” dhe Lidhjes Demokratike të Kosovës.

Indeksonline mëson se takimi mes krerëve të dy partive ka nisur në ora 17:00 dhe ka zgjatur deri në ora 22:30, në periferi të Prishtinës.

Burime tona tregojnë se nga LVV-ja ishin tre përfaqësues, pretendenti për kryeministër, Albin Kurti, kryetari i Kuvendit, Glauk Konjufca si dhe Besnik Bislimi (i propozuari për ministër të Financave).

Ndërsa, nga LDK-ja ishin pesë zyrtarë. Kryetari, Isa Mustafa, nënkryetari i parë, Agim Veliu, nënkryetarja, Vjosa Osmani, Kujtim Shala si dhe Avdullah Hoti./IndeksOnline/