Ismet Beqiri nuk i frikësohet mocionit të opozitës

Shefi i grupit parlamentar të LDK-së, Ismet Beqiri tha në hollin e Kuvendit se nuk ka mundësi që të kalojë mocioni i votëbesimit të qeverisë.

Beqiri teksa foli në hollin e Kuvendit rreth mocionit për votëbesim të qeverisë të iniciuar nga Nisma, ua njohu këtë të drejtë opozitarëve.

Por Beqiri deklaroi se mocioni nuk do të ketë sukses.

“Ne nuk duhet t’i shqetësohemi kësaj çështjeje është e drejtë e tyre por ne nuk besojmë as që ka arsye, besa as që ka mundësi që te behet kjo”, tha Beqiri.

Ai tha se qeveria ka punuar mirë.

Nuk e besojmë që ka arsye dhe mendoj që qeveria pavarësisht vështirësive që ka pasur ka bërë një punë mjaft të mirë.

Valdete Bajrami nga Nisma tha sot se kjo parti ka filluar konsultimet për mocionin e votëbesimit. /Kallxo.com/