Kelmendi: Shqetësuese mbyllja e strehimoreve për fëmijë në Kosovë

Donjeta Kelmendi drejtoreshë ekzekutive e koalicionit të OJQ ve për mbrojtjen e fëmijëve ka shprehur si shqetësim mbylljen e disa shërbimeve për fëmijët dhe mbylljen e qendrave për strehimin e tyre.

Kelmendi tërë fajin e ka hedhur te komunat të cilat nuk po shprehin gatishmëri për të siguruar buxhetin për disa shërbime sociale për fëmijët, shkruan Indeksonline.

“Situata është rënduar kemi pas mbyllje të shërbimeve për fëmijët me aftësi të kufizuara në disa komuna janë mbyllur. Është mbyllur edhe strehimorja për fëmijët ata është dashur të strehohen dikujt tjetër. Po ngecim në ndarje të buxhetit. Komunat nuk po ndajnë buxhet për fëmijët. Po krijohet zbrazaëti. Gatishmëria e komunave nuk është duhet të sigurojmë buxhet që të mos iu mohohet fëmijëve e drejta për mbrojtje fëmijëve”, tha ajo.