Vdes mamia llapjane Sanije Topanica, iu ndihmoi grave në lindje gjatë luftës
Seanca e Kuvendit më 11 prill, shkak gjykimi ndaj Haradinajt
Kuvendi i Republikës së Kosovës, të martën e ardhshme, më 11 prill, në orën 10:00, do të mblidhet në seancë plenare, për të vazhduar me votimin dhe shqyrtimin e pikave të mbetura nga mbledhja e fundit e datës 31 mars.
Kështu vendosi Kryesia e Kuvendit të Republikës së Kosovës, në mbledhjen e sotme të saj, të drejtuar nga nënkryetari Xhavit Haliti, në të cilën merrnin pjesë edhe kryetarët e grupeve parlamentare.
Fillimisht, Kuvendi pritet të votojë për katër pikat e mbetura, për të cilat diskutimi është shterur në seancat e kaluara: Projektligjin për ndryshimin dhe plotësimin e Ligjit për minierat dhe mineralet, Propozim-rezolutën në lidhje me arrestimet e aktivistëve të Lëvizjes “Vetëvendosje”, Projektligjin për ndryshimin dhe plotësimin e Ligjit për ekzekutimin e sanksioneve penale, si dhe pritet të zhvillohet raundi i dytë i votimit për zgjedhjen e një anëtari të Këshillit Gjyqësor të Kosovës nga radha e komunitetit serb.
Pas përfundimit të këtyre pikave, do të fillojnë punimet e seancës së re, e paraparë të mbahet më 31 mars, me pikat e rendit të ditës të përcaktuara në mbledhjen e kaluar të Kryesisë.
Shefi i Grupit Parlamentar të AAK-së, Pal Lekaj tha se me kërkesë të tij seancë plenare nuk do të ketë për këtë javë, për shkak të seancës gjyqësore ndaj Ramush Haradinajt, që do të mbahet pikërisht këtë të enjte.
