Senatori McCain viziton Kosovën, më 13 prill!

Senatori amerikan dhe drejtuesi i Komitetit në Senat për forcat e armatosura John McCain pritet që brenda pak ditësh ta vizioj Kosovën.

Kështu kanë thënë për Gazetën Blic burime ndërkombëtare.

“Senatori Amerikan John McCain pritet që më 13 prill ta vizioj Kosovën”, ka thënë ky burim për Gazetën Blic.

Kjo vizitë e tij, ndodhë pas tensioneve të fundit në Ballkan.

Ai ditë më parë ka deklaruar se është shumë i shqetësuar për tensionet e mundshme dhe konfrontimin eventual në Ballkan.

“Për këtë shkak kërkohet një vëmendje e madhe e Bashkimit Europian, NATO dhe gjithë aleatët të mundohen që të pengojnë disa nga kërcënimet e tilla që sjellin krizë atje”, kishte thënë kështu mes tjerave McCain gjatë pjesëmarjes në Forumin e Brukselit të organizuar nga fondi gjerman Marshall në SHBA, që u mbajt para disa ditësh.