Vdes mamia llapjane Sanije Topanica, iu ndihmoi grave në lindje gjatë luftës
Mjekët protestuan edhe në Podujevë (Foto)
Punonjësit shëndetësorë kanë nisur sot një protestë në nivel vendi në të cilën po kërkojnë kushte më të mira të punës, njofton PodujevaPRESS.
Punonjësit shëndetësorë e nisën sot me protestë orarin e paraditës. Ata nën organizimin e Federatës së Sindikatave të Shëndetësisë së Kosovës po protestojnë në lidhje me mosndryshimin e Ligjit për Pagat që sipas protestuesve është diskriminues për punëtorët shëndetësorë.
Federata Sindikale e Shëndetësisë së Kosovës e kishin paralajmëruar këtë protestë ditë më parë dhe kishin kërkuar nga Qeveria dhe Ministria e Shëndetësisë që tu realizohen disa kërkesa.
Kërkesat e tyre ishin rritja e pagave, ulja e përqindjes së premiumit për sigurimin e obligueshme shëndetësor, shtyrja e procesit të licencimit deri në fund të 2017-ës, definimi i kompetencave për furnizim me barna dhe material harxhues si dhe statusi i QKMF-ve.
Në Podujevë janë mbledhur para qendrës emergjente duke mbështetur kërkesat e bëra në nivel sindikate për kushte më të mira të punës.
Protesta e punonjësve shëndetësorë që ata e quajtën paralajmëruese zgjati nga ora tetë deri në orën 9:00 kur protestuesit iu kthyen vendeve të tyre të punës./PodujevaPRESS/
