Reagon kryetari i VV në Podujevë: Kërkesa e pagesës prej 2€ nga nxënësit është e kundërligjshme

Kryetari i Lëvizjes Vetëvendoje dega në Podujevë ka reaguar me anë të një statusi në facebook lidhur me detyrimin e nxënësve në Shkollën Fillore “Enver Maloku”, për të bërë pagesën prej 2 Euro për blerjen e perdeve.

Ky është reagimi i tij:

“ARSIMI PA PERDE”

Nxënësve të shkollës “Enver Maloku” në Besianë iu është kërkuar, që të paguajnë nga 2 (dy) Euro në emër të blerjes së perdeve për shkollën.

Aksioni ka zgjatur prej datës 20-24 Mars 2017.

Vallë a e di Administrata Komunale se veprimi i tillë është kundërligjor dhe i padrejtë?