Vdes mamia llapjane Sanije Topanica, iu ndihmoi grave në lindje gjatë luftës
Vetëvendosje: Sulmohet fizikisht aktivisti Agron Kabashi
Mbrëmë, rreth orës 23:35, persona të panjohur kanë sulmuar aktivistin Agron Kabashi, i cili kishte shoqëruar me veturë Sekretarin Organizativ, Dardan Molliqaj, thotë njoftimi nga Vetëvendosje, transmeton Koha.net.
Sipas njoftimit, ngjarja ka ndodhur në rrugën ‘Muharrem Fejza’, te banesa e Dardan Molliqajt, ku aktivisti Kabashi e ka lënë Molliqajn dhe po kthehej në veturë. Ai, thotë njoftimi, është goditur me shufra metalike, me ç’rast i janë shkaktuar lëndime trupore dhe tani gjendet në Qendrën Emergjente të QKUK’së. Po ashtu, këta persona e kanë kërcënuar aktivistin Kabashi dhe i kanë thënë që të mos e shoqërojë më asnjëherë Molliqajn. Kjo, sipas njoftimit, tregon se sulmi ka motive politike dhe është sulm ndaj sekretarit organizativ të Lëvizjes Vetëvendosjes.
Policia është duke e hetuar rastin.
Gjendja shëndetësore e Agronit është e mirë.
