Trump, Merkelit: Të dy jemi përgjuar nga Obama

Presidenti i Shteteve të Bashkuara të Amerikës, Donald Trump, u ka qëndruar prapa pohimeve të tij se ishte përgjuar nga Barack Obama, madje i ka përsëritur ato duke i thënë kancelares gjermane, Angela Merkel, se “së paku të dy kemi diçka të përbashkët, ndoshta”, duke aluduar se të dy ata janë përgjuar nga administrata e Obamës.

Trump i referohej një zbulimi që ishte bërë nga të dhënat e dalura në publik nga Edward Snowden ku shihej se Agjencia për Siguri Nacionale e SHBA-ve i kishte përgjuar telefonin Merkelit.

Trump këto komente i ka bërë në konferencën e përbashkët për media me Merkel, por kjo e fundit nuk ka reaguar as me ndonjë deklaratë e as me mimikë, kur Trump bëri deklarimin.