Heshtet Qeveria, pas reagimit të SHBA-ve dhe të NATO-s!

Pas reagimit të Shteteve të Bashkuara të Amerikës dhe të NATO-s kundër formimit të Ushtrisë së Kosovës pa ndryshime kushtetuese, kanë heshtur nga Qeveria e Kosovës.

Gazeta Blic ka provuar që të flas me zëdhënësin e Qeverisë, Arban Abrashi dhe me këshilltarin për media të kryeministrit, Faton Abdullahu, por asnjëri nuk është përgjigjur.

I vetmi deri më tash që ka komunikuar deri më tani me publikun, është presidenti i vendit, Hashim Thaçi. Përmes një njoftimi të lëshuar për media, Presidenca ka bërë të ditur se presidenti Thaçi nga ora 18:00 ka një konferencë të jashtëzakonshme për media.