Shkarkohet drejtori i QKMF-së në Podujevë, reagon Dr. Bajram Bajgora

Drejtori i deritanishëm i Qendrës Kryesore të Mjekësisë Familjare në Podujevë, Dr. Bajram Bajgora, ka bërë të ditur se është shkarkuar nga detyra me vendim të kryetarit të Komunës së Podujevës, Shpejtim Bulliqi, raporton PodujevaPRESS.net.

Përmes një reagimi publik, Dr. Bajgora ka thënë se shkarkimi i tij është bërë me një “vendim arbitrar”, më datë 24 prill 2026, ndonëse sipas tij ishte zgjedhur drejtor i QKMF-së përmes konkursit publik.

“Reagim nga Dr. Bajram Bajgora. Njoftoj qytetarët se me një vendim ‘arbitrar’ më datë 24.04.2026 u shkarkova si Drejtor i QKMF-së i zgjedhur me konkurs publik. S’ka rëndësi i ‘ngarkuar’ apo ‘shkarkuar’, aktivitetin dhe kontributin tim për vendin e qytetarët e ndalë vetëm Vendimi i Zotit”, thuhet në reagimin e tij.

Deri më tani nuk ka pasur ndonjë reagim zyrtar nga Komuna e Podujevës lidhur me arsyet e këtij shkarkimi.