Ndahet nga jeta ish-pjesëtari i UÇK-së nga Zona e Llapit, Shefki Sejdiu

Ka ndërruar jetë ish-pjesëtari i Ushtrisë Çlirimtare të Kosovës nga Zona e Llapit, Shefki Sejdiu.

Lajmi për vdekjen e tij ka prekur familjarë, bashkëluftëtarë dhe miq të shumtë, të cilët e kujtojnë si një ndër luftëtarët e orëve të para dhe kontribuues të palodhur në rrugën për liri.

Për ndarjen nga jeta të tij ka reaguar edhe ish-komandanti i Mbrojtjes Civile në UÇK për Zonën Operative të Llapit, Muhamet Latifi, i cili përmes një mesazhi shprehu dhimbjen e thellë për humbjen e bashkëluftëtarit të tij.

“Lajmi që ma ndërpreu frymën, momenti kur vëllau, shoku, miku, bashkëluftëtari, bashkëveprimtari, luftëtari i orëve të para, invalidi i luftës së UÇK-së, u nda nga jeta dhe na la të vetmuar në këtë botë. Njeriu që nuk vajtohet, por përjetësisht vetëm do të nderohet dhe kujtohet, sepse kujtimi dhe vepra e tij do të jetojnë përherë në ndërgjegjjen kombëtare”, ka shkruar Latifi.

Shefki Sejdiu do të kujtohet për kontributin e tij në luftën për çlirimin e vendit, si dhe për përkushtimin dhe sakrificën që dha për lirinë.

Lavdi jetës dhe veprës së Shefki Sejdiut.