Nis ndërtimi i Palestrës Multisportive në Podujevë, investim 3.5 milionë euro

Kryetari i Komunës së Podujevës, Shpejtim Bulliqi, ka bërë të ditur se ka nënshkruar inicimin e procedurave të prokurimit për ndërtimin e Palestrës Multisportive në Podujevë, një projekt i rëndësishëm për zhvillimin e sportit në komunë.

Sipas kryetarit Bulliqi, projekti trevjeçar kap vlerën prej 3.5 milionë euro dhe buron nga një memorandum bashkëpunimi i nënshkruar në fund të vitit të kaluar me Ministria e Kulturës, Rinisë dhe Sporteve. Nga kjo shumë, 2 milionë euro do të financohen nga Ministria, ndërsa 1.5 milionë euro nga Komuna e Podujevës.

Bulliqi theksoi se ky investim është dëshmi e përkushtimit të institucioneve lokale dhe qendrore për avancimin e infrastrukturës sportive.

“Ky projekt është një dëshmi shtesë për rëndësinë që i kemi dhënë sportit, në mënyrë që të rinjtë tanë të kenë hapësira moderne për zhvillimin e talenteve të tyre”, ka deklaruar ai.