Vdes e dyshuara për vrasjen e dyfishtë në Majac të Podujevës

Ka vdekur edhe e dyshuara për vrasjen e dyfishtë në fshatin Majac të Pocujevës.

Rastin për Gazetën Online Reporteri.net e ka konfirmuar zëdhënësja e QKUK-së, Mirlinda Qyqalla.

“Sipas njoftimit nga Qendra Emergjente, po, edhe rasti 31-vjeçarja ka ndërruar jetë”, tha shkurt ajo për Reporteri.net.

Paraditen e së hënës u konfirmuar edhe vdekja e të plagosurës tjetër në QKUK, ndërsa në vendin e ngjarjes kishte mbetur i vdekur një 43-vjeçar.

Prokuroria Themelore e Prishtinës bëri të ditur sot përmes një njoftimi se gjatë ekzeminimit të vendit të ngjarjes është sekuestruar një armë zjarri dhe disa gëzhoja, si dhe disa prova të tjera matriale relevante për rastin.

“Me urdhër të Prokurorit të Shtetit, trupat e pajetë të viktimave janë dërguar në Insititutin e Mjekësisë Ligjore për kryerjen e autopsisë.

Aktualisht, sipas hetimeve preliminare, motivi i këtij rasti ende nuk është i njohur. Prokurori i Shtetit, në bashkëpunim me institucionet përkatëse, është duke zhvilluar hetimet intensive për ndriçimin e plotë të këtij rasti tragjik”, thuhej në njoftim.