Vajza e Millosheviqit: Ja me çka ma helmuan babain në Hagë

Kurir shkruan se natën në mes të 10 dhe 11 marsit 2006 të gjitha kamerat në Sheveningen kanë qenë të shkyçura, pretendon ajo, gjë që sipas saj ka paraqitur një precedent, përcjellë gazetametro.net.

“Është shumë e mundur se Slobodan Milosevic të ketë vdekur një ditë më herët se që është publikuar në versionin zyrtar, por trupi i tij është mbajtur me qëllim në qelinë E 04 disa orë në mënyrë që të avullohet bari për lepër “Rifampicin”, i cili i është dhënë për ta vrarë”.

Këto përfundime i paraqet në librin “Anatomia e vrasjes gjyqësore” autori Dr. Vukasin Andric, njëri nga mjekët e Milosevic’it, e në këtë libër ka punuar edhe Marija Milosevic si redaktore.

“E helmuan me bari për lepër”

Trupi i Slobodan Milosevic’it u gjend të shtunën në mëngjes më 11 mars 2006. Sipas raportit zyrtar, vdekja besohet se ka ndodhur në mes të orës 7 dhe 9:45, mirëpo, autori i librit pretendon se koha e vdekjes është kontestuese, sepse ekzistojnë dyshimet se Milosević ka vdekur më 10 mars në mbrëmje.

Në libër pretendohet se toksikologu holandez Donald Uges ka konstatuar se rezultatet e gjakut nga janari 2006 tregojnë praninë e “rimfapicinit”, i cili neutralizon efektin e barërave kundër shtypjes së lartë të gjakut. Pikërisht ky rezultat ka ngritur dyshimin se Milosevic’i “është helmuar me ushqim apo me ujë një kohë të gjatë”.

“Duke marrë parasysh se bari në fjalë ndikon vetëm pas dy-tri orëve, është e mundur që Milosevic’i e ka pranuar dozën fatale më 10 mars në mbrëmje dhe se prej tij ka vdekur”.

“Mirëpo vdekja është kumtuar në mëngjes, ndërsa mjeku ligjor ka arritur në orën 16:15 të asaj dite, me çfarë është prolonguar edhe 4 orë dërgimi i kufomës në obduksion. Me këtë qëllimisht është humbur kohë, në mënyrë që substancat e dyshimta në trup të absorbohen dhe të humbin para analizave toksikologjike”, pretendohet në libër.

Gjithashtu ngrit dyshim edhe fakti se të gjitha kamerat në Sheveningen atë natë ishin të shkyçura.

“Përse ishin të shkyçura kamerat pikërisht atë natë kur Milosević’i vdiq, pasi që ato mbikëqyrin të burgosurit ditë e natë? Përse askush në Tribunal nuk i ka kushtuar vëmendje kësaj? Çfarë do të regjistronin kamerat sikur të kishin punuar? Përse për këtë nuk është kërkuar raport i posaçëm”, pyetet autori i librit dhe vazhdon:

“Carla del Ponte ka sqaruar se një kontroll i tillë nuk ka pasur natën kur ka vdekur Milosevic, dhe për ndonjë arsye, të gjitha kamerat ishin të shkyçura”.

Zyrtarisht ka vdekur nga zemra

Në raport është theksuar se Milosevic ka vdekur me vdekje të natyrshme, nga infarkti, por kur familja Milosevic, pasi që nuk ka besuar në versionin zyrtar, ka insistuar që obduksioni të kryhet në Moskë, Tribunali nuk ka lejuar.