Podujevë: Kapet me kokainë në rrugën “Hakif Zejnullahu”, i dyshuari lirohet në procedurë të rregullt

Policia e Kosovës ka raportuar një rast të posedimit të paautorizuar të substancave narkotike gjatë 24 orëve të fundit në rajonin e Podujevës.

Sipas njoftimit zyrtar, rasti është shënuar rreth orës 02:00, në rrugën “Hakif Zejnullahu” në Podujevë, ku gjatë kontrollit policor tek një i dyshuar mashkull kosovar janë gjetur dhe sekuestruar 0.87 gramë substancë që dyshohet të jetë kokainë.

Me vendim të prokurorit kompetent, i dyshuari është intervistuar nga hetuesit dhe më pas është liruar në procedurë të rregullt.

Rasti është duke u hetuar nga organet kompetente.