Rinumërimi në Podujevë nxjerr në pah manipulime në të tri partitë: vota të shtuara dhe të humbura për dhjetëra kandidatë

Rinumërimi i 107 nga 110 vendvotimeve në Komunën e Podujevës ka zbuluar një numër të madh mospërputhjesh mes rezultateve fillestare dhe atyre pas rinumërimit, duke treguar se vota janë zhvendosur si në favor ashtu edhe në dëm të kandidatëve të tri partive kryesore – VV, LDK dhe PDK.

Te Lëvizja Vetëvendosje, përfituesit më të mëdhenj janë Driton Hyseni me +107 vota, Mefail Bajqinovci me +38, Salih Zyba me +30, Alban Bajrami me +28, Fatos Geci me +26, Edona Llaloshi me +25, Mimoza Kusari Lila me +20, Xhelal Sveçla me +19, Blerim Sallahu dhe Tafil Peci me nga +17 vota. Përfitime kanë pasur edhe Hajnulla Çeko, Armend Muja, Artane Rizvanolli, Haxhi Avdyli, Albulena Haxhiu, Hysen Durmishi, Hekuran Murati, Jeta Statovci, Arbëreshë Kryeziu dhe dhjetëra kandidatë të tjerë me nga 1 deri në 10 vota.

Në anën tjetër, humbjet më të rënda në VV i kanë pësuar Vendenis Lahu me -406 vota, Ejup Maqedonci me -388, Adelina Stublla me -244, Albin Kurti me -91, Filiz Mustafa me -78, Drita Pajaziti me -75, Fitim Haziri me -72, Fahrush Rexhepi me -57, Glauk Konjufca, Ilir Kërçeli dhe Valon Hoti me nga -43, Ardian Gola me -40, Donika Gërvalla me -26 dhe një numër i madh kandidatësh të tjerë me humbje më të vogla.

Te LDK, përfituesi më i madh nga rinumërimi është Paris Guri me +44 vota, i ndjekur nga Ukë Rugova me +27, Adelina Thaçi Meta dhe Fadil Hadergjonaj me nga +9, Vezir Januzi me +8, Fadil Geci dhe Sokol Havolli me nga +7, Izet Sadiku, Fadil Aliu dhe Vebi Mujku me nga +5. Rritje votash kanë pasur edhe Armend Zemaj, Rexhep Kadriu, Gëzim Hazrolli, Fetah Rudi, Majlinda Shaqiri dhe dhjetëra kandidatë të tjerë me shtesa minimale.

Ndërsa humbjet në LDK i kanë pësuar Lumir Abdixhiku me -23 vota, Qendrim Softolli me -36, Kujtim Shala me -17, Alban Zogaj me -13, Ekrem Hyseni me -11, Arjeta Salihu Abazi, Visar Hoti dhe Rrezarta Krasniqi me nga -9, Hykmete Bajrami dhe Lutfi Haziri me nga -8, Visar Azemi me -8, Anton Quni dhe Ermal Sadiku me nga -6, Ferid Agani, Vlora Dumoshi, Florian Dushi dhe dhjetëra të tjerë me humbje më të vogla.

Te PDK, përfitimet më të mëdha janë shënuar nga Çelë Gashi me +37 vota, Bekim Haxhiu me +35, Abelard Tahiri me +32, Jehonë Jashari Miftari me +27, Ariana Musliu Shoshi me +15, Genc Prelvukaj me +14, Kujtim Gashi, Altin Krasniqi dhe Leutrim Retkoceri me nga +13, si dhe Arian Tahiri me +12 vota. Rritje kanë pasur edhe Përparim Gruda, Muzfer Shala, Hysen Berisha, Artan Behrami, Vlora Pireva dhe dhjetëra kandidatë të tjerë me nga 1 deri në 10 vota.

Në anën tjetër, humbjen më të rëndë në PDK e ka pësuar Ditjona Statovci me -230 vota, ndërsa Ilir Murtezaj ka humbur -37. Humbje kanë pësuar edhe Diana Shehu Devaja me -10, Xhavit Haliti me -9, Aurorë Osmani Buca me -8, Uran Ismaili me -6, Jakup Nura me -6, Rrahman Rama me -5, Blerta Deliu Kodra me -4 dhe Bedri Hamza me -3 vota.

Në tërësi, rinumërimi në Podujevë ka dëshmuar se nuk bëhet fjalë për gabime teknike të izoluara, por për zhvendosje reale të votave mes kandidatëve brenda të njëjtave parti, ku disa kanë përfituar dhjetëra e qindra vota, ndërsa të tjerë i kanë humbur ato.

Ky proces ka ngritur seriozisht dyshime mbi integritetin e numërimit fillestar dhe ka hapur debatin për manipulim sistematik të votës në nivel komunal, me pasoja direkte për renditjen dhe legjitimitetin e kandidatëve.