PDK në Podujevë pritet të udhëheqë dy drejtori komunale | (Emrat)

Partia Demokratike e Kosovës (PDK) në Podujevë pritet të marrë drejtimin e dy drejtorive komunale pas marrëveshjes me Vetëvendosjen të udhëhequr nga kryetari i kësaj komune, Shpejtim Bulliqi.

Burime të PodujevaPRESS brenda kësaj partie bëjnë të ditur se kryesia e PDK-së ka propozuar Ditiona Statovcin për Drejtoreshë të Administratës, si dhe Behram Latifin për Drejtor të Bujqësisë.

Sipas të njëjtave burime, emërimet zyrtare pritet të ndodhin gjatë ditëve në vijim, pas përfundimit të procedurave të nevojshme institucionale.

PodujevaPRESS do t’ju mbajë të informuar për zhvillimet e radhës lidhur me këto emërime.