Plagosja e dy personave në Podujevë, Policia zbardhë detajet e fundit për rastin

Dy persona janë arrestuar në lidhje me rastin e plagosjes në Podujevë, ndërsa të lënduarit janë dërguar për trajtim mjekësor në QKUK – Prishtinë, ku sipas informatave që ka siguruar Sinjali gjendja e tyre shëndetësore për momentin është stabile.

Të dyshuarit e arrestuar janë: R. R. dhe L. Z.

Të njëjtit janë shoqëruar në Stacionin Policor dhe ndaj tyre janë duke u ndërmarrë veprimet e nevojshme procedurale.

Lajmin për plagosjen e dy personave e ka konfirmuar zëdhënësja e Policisë për rajonin e Prishtinës, Flora Ahmeti.

“Njësitet policore menjëherë kanë dalë në vendin e ngjarjes, nga ku është raportuar se dy persona janë lënduar”.

“Personat e lënduar janë dërguar për trajtim mjekësor, ndërkohë policia ka nisur një hetim rreth këtij rasti”, ka bërë të ditur Ahmeti.