VV fiton bindshëm në Podujevë, LDK shënon rënie të ndjeshme

Rezultatet preliminare të publikuara nga Komisioni Qendror i Zgjedhjeve (KQZ) tregojnë një fitore të thellë të Lëvizjes VETËVENDOSJE! në Komunën e Podujevës, duke konfirmuar dominimin e saj elektoral në këtë komunë.

Sipas të dhënave zyrtare të përditësuara deri në orën 22:09, me 110 nga 110 qendra të votimit të përpunuara, Lëvizja VETËVENDOSJE! ka siguruar 61.16% të votave, respektivisht 24,163 vota, duke u renditur bindshëm në vendin e parë.

Në anën tjetër, Lidhja Demokratike e Kosovës (LDK) ka shënuar një rënie të dukshme, duke marrë 21.16% të votave, ose 8,358 vota, rezultat ky dukshëm më i ulët krahasuar me ciklet e kaluara zgjedhore në Podujevë.

Partia Demokratike e Kosovës (PDK) renditet e treta me 14.17%, apo 5,600 vota, ndërsa subjektet tjera politike mbeten larg garës kryesore.

Rezultatet preliminare në Podujevë:

• VV – 61.16% (24,163 vota)

• LDK – 21.16% (8,358 vota)

• PDK – 14.17% (5,600 vota)

• AAK – 1.83% (724 vota)

• Subjektet tjera – nën 1%

KQZ ka theksuar se këto janë rezultate preliminare, të cilat mund të ndryshojnë pas numërimit të votave me kusht, votave nga diaspora dhe përfundimit të procedurave ankimore.

PodujevaPRESS.net do të vazhdojë t’ju informojë për çdo zhvillim të ri zyrtar lidhur me zgjedhjet parlamentare 2025.