Vdes mamia llapjane Sanije Topanica, iu ndihmoi grave në lindje gjatë luftës
Projektligji për Ushtrinë dërgohet në Qeveri
Kryesia e Kuvendit sot ka vendosur që Projektligjin për Ushtrinë e Kosovës të dërgojë në Qeveri në mënyrë që pas miratimit, të kthehet sërish në Kuvend për votim.
Kjo është bërë e ditur nga Kreu i Kuvendit, Kadri Veseli, pas mbledhjes së Kryesisë.
“Jemi duke tentuar që edhe listën serbe ta kthejmë në institucionet e Kosovës. Është mirë që kjo çështje të mos dirigjohet nga Beogradi”, tha tutje Veseli, meqenëse përfaqësuesit e Listës Srpska në Kryesinë e Kuvendit nuk morën pjesë në mbledhjen e sotme, si pjesë e bojkotit të Kuvendit.
Veseli pas mbledhjes ka lartësuar punën e ministrit të FSK-së, Haki Demolli, për shndërrimin e kësaj force në ushtri.
“Nuk është mirë që t’i jepet kahe tjetër mbi diçka që është institucionale. Angazhimi i ministrit Demolli për këtë çështje është i jashtëzakonshëm”, tha kryetari i Kuvendit, në konferencë për media, duke komentuar letrën për të cilën Gazeta Express raportoi dje se ministri i FSK-së Haki Demolli ua shkroi krerëve të shtetit.
Tutje, kryeparlamentari tha se ushtria e Kosovës do të ketë dyfishimin e numrit të forcës ushtarake si dhe pajisje të reja ushtarake dhe teknologjike të cilat do t’ua mundësojë Qeveria e Kosovës. /GazetaExpress/
