Mimoza Abdullahu drejt rizgjedhjes në Asamblenë Komunale – PDK pritet t’i ketë 4 asambleistë në Podujevë

Nga rezultatet e deritanishme të numërimit të votave në Podujevë, ku janë përpunuar 51 nga 113 kuti (45,13%), Partia Demokratike e Kosovës pritet të sigurojë 4 ulëse në Asamblenë Komunale.

Kandidatët më të votuar të PDK-së deri tani janë:

Isak Shabani – 1,564 vota (bartës i listës, hyn me automatizëm)

Lulzim Pollomi – 204 vota

Afrim Avdiu – 151 vota

Burim Januzi – 122 vota

Isuf Osmani – 116 vota

Avni Ajeti – 109 vota

Hilmi Hoxha – 102 vota

Mimoza Abdullahu – 99 vota

Duke marrë parasysh që çdo e treta ulëse i takon një gruaje, dhe me trendin aktual të mbështetjes, Mimoza Abdullahu është pothuajse e sigurt për rizgjedhje në Asamblenë Komunale të Podujevës.

Ajo vlerësohet për angazhimin e saj të vazhdueshëm në jetën publike dhe për rolin aktiv në strukturat lokale të PDK-së, duke përfaqësuar një zë të qëndrueshëm të grave në politikën lokale.

Numërimi i votave po vazhdon, ndërsa rezultatet përfundimtare do të konfirmohen nga KQZ pas përpunimit të të gjitha kutive të votimit.