Ekrem Hyseni falënderon qytetarët: Jemi bashkë sot, do jemi bashkë përherë

Në Podujevë zgjedhjet lokale kanë përfunduar pa balotazh. Kandidati i Vetëvendosjes, Shpejtim Bulliqi, ka siguruar vota të mjaftueshme për të fituar mandatin e ri si kryetar i Komunës së Podujevës.

Kandidati i Lidhjes Demokratike të Kosovës në Podujevë, Ekrem Hyseni, ka reaguar pas përfundimit të procesit zgjedhor, duke shprehur falënderim për qytetarët që i dhanë mbështetje gjatë fushatës.

Në një postim në rrjete sociale, Hyseni ka shkruar:

“Të dashur qytetarë,

Shpreh falënderimin tim për çdonjërin prej jush që na përkrahët e na besuat.

Rrugëtimi ynë vazhdon.

Përpjekjet tona për ringritjen e Lidhjes sonë vazhdojnë!

Jemi bashkë sot, do jemi bashkë përherë!”

Ndërkohë, sipas të dhënave zyrtare, në Podujevë sot kanë votuar 34,429 qytetarë.