Podujevë: Nuk ka balotazh, Shpejtim Bulliqi fiton mandatin e ri!

Në Podujevë zgjedhjet lokale kanë përfunduar pa balotazh. Kandidati i Vetëvendosjes, Shpejtim Bulliqi, ka siguruar vota të mjaftueshme për të fituar mandatin e ri si kryetar i Komunës së Podujevës.

Rivali i tij nga Lidhja Demokratike e Kosovës, Ekrem Hyseni, ka pranuar rezultatin duke u shprehur me fjalë mirënjohjeje për përkrahësit e tij:

“Të dashur qytetarë,

Shpreh falënderimin tim për çdonjërin prej jush që na përkrahët e na besuat.

Rrugëtimi ynë vazhdon.

Përpjekjet tona për ringritjen e Lidhjes sonë vazhdojnë!

Jemi bashkë sot, do jemi bashkë përherë!”

Ndërsa kryetari i rizgjedhur Shpejtim Bulliqi ka reaguar me një mesazh falënderues:

“Podujevë, ti je zemra jem!

Ju faleminderit e vazhdojmë me punë të mira për Podujevën! ”

Podujeva kështu konfirmon vazhdimin e qeverisjes nga Lëvizja Vetëvendosje, pa nevojën për balotazh.