Podujevë: Deri në orën 13:00 kanë votuar mbi 14 mijë qytetarë

Procesi zgjedhor në Komunën e Podujevës po vazhdon të zhvillohet qetë dhe pa ndonjë incident të raportuar. Sipas të dhënave të fundit nga Komisioni Qendror i Zgjedhjeve, deri në orën 13:00 kanë votuar 14,841 qytetarë nga 86,668 sa janë gjithsej me të drejtë vote, që përbën 17.12% të daljes në votime.

Nga gjithsej 113 vendvotime, janë procesuar 110, apo 97.35% e tyre.

Procesi i votimit pritet të vazhdojë deri në orën 19:00, ndërsa interesimi i qytetarëve pritet të rritet gjatë orëve të pasdites.

PodujevaPRESS po e përcjell në kohë reale rrjedhën e zgjedhjeve në Podujevë dhe do të ju informojë me rezultatet më të reja gjatë ditës.