LDK në Podujevë mban tubimin përmbyllës sonte në Sheshin “Ali Ajeti”

Lidhja Demokratike e Kosovës – Dega në Podujevë, ka paralajmëruar mbajtjen e tubimit përmbyllës elektoral sonte (e enjte, 9 tetor) nga ora 18:00, në Sheshin “Ali Ajeti” në Podujevë.

Në këtë tubim pritet të marrë pjesë kandidati për kryetar të Komunës së Podujevës, Dr. Ekrem Hyseni, i cili do të prezantojë programin dhe vizionin e tij për zhvillimin e Podujevës. Po ashtu, do të prezantohen edhe kandidatët e LDK-së për Asamblenë Komunale.

Në ngjarje do të jetë i pranishëm edhe kryetari i LDK-së, Dr. Lumir Abdixhiku, i cili do të përmbyllë zyrtarisht fushatën e kësaj partie në Podujevë, vetëm tre ditë para zgjedhjeve lokale të 12 tetorit.

Nga kjo degë e LDK-së është bërë thirrje që qytetarët llapjanë të marrin pjesë masivisht në tubimin përmbyllës dhe t’i japin mbështetje kandidatit të tyre për kryetar, Ekrem Hyseni, dhe ekipit të LDK-së për Asamble, me moton:

“Podujeva Përtej”.