Veteranët e UÇK-së mbajnë takim në Podujevë për bashkimin dhe mbrojtjen e vlerave të luftës

Organizata e Veteranëve të Luftës të Zonës Operative të Llapit ka ftuar të gjithë bashkëluftëtarët dhe veteranët e Ushtrisë Çlirimtare të Kosovës në një takim të hapur që do të mbahet të premten, më 10 tetor 2025, në ora 19:00, në restorantin “Artela” në Podujevë.

Ky takim ka për qëllim bashkimin e zërave të atyre që besojnë në vazhdimësinë e rrugës së nisur nga luftëtarët e lirisë – për drejtësi, dinjitet dhe zhvillim të qëndrueshëm kombëtar.

Në këtë ngjarje do të mbahen fjala nga figura të njohura të luftës dhe politikës, si dhe do të përcillen mesazhe bashkimi e vendosmërie për të ecur përpara me idealet që bashkojnë veteranët dhe qytetarët.

Organizatorët theksojnë se pjesëmarrja e veteranëve është me rëndësi të veçantë, si shprehje e unitetit dhe përkushtimit ndaj vlerave të luftës dhe mbrojtjes së interesave të atdheut.