Përkrahësi i Vetëvendosjes, godet me poezi Shpejtim Bulliqin

Në prag të zgjedhjeve lokale në Podujevë, përkrahësi i Lëvizjes Vetëvendosje, Mentor Llugaliu, ka reaguar përmes një poezie satirike, ku ironizon dhe kritikon ashpër kryetarin aktual të komunës, Shpejtim Bulliqin, megjithëse pa ia përmendur emrin drejtpërdrejt.

Në vargjet e tij, Llugaliu përshkruan “rënien e disa thesëve me euro në Besianë”, duke aluduar për korrupsion, keqpërdorim të tenderëve dhe shpërdorim të buxhetit publik. Ai e cilëson Bulliqin si “kryehajn i tenderëve” dhe “mashtrues politik” që, sipas tij, ka përfituar nëpër parti të ndryshme politike.

Në një pjesë të poezisë, Llugaliu kujton me ironi edhe një shprehje të kryeministrit Albin Kurti, duke nënvizuar zhgënjimin e tij me drejtimin që ka marrë Vetëvendosja në Podujevë:

“Dhe thënia e vjetër e Albinit, seç m’u kujtua sot për dreq:

‘Hallat, tezet e daja janë për shtëpi, e kryekomunari për hajni.’”

Poezia është përhapur me shpejtësi në rrjete sociale, duke ngjallur reagime të shumta nga qytetarët e Podujevës dhe simpatizantët e partive politike.

Ky reagim i Llugaliut shihet si shenjë e pakënaqësisë në rritje brenda vetë strukturave të Vetëvendosjes në Podujevë, pak ditë para zgjedhjeve për kryetar të komunës.

Kjo është poezia: 

Ca thasë me euro ranë në Besianë,

Kryehajni tenderave ua kajti atë nanë.

I sjell në gisht fshatrat e qytetin

Qytetarëve t’mesmin e vetit buxhetin!

Edhe m’u duk pak e çuditshme

Si erdhi ky hajn, ky mashtrues.

Vjedh tendera n’LDK e AAK

E tash së fundi edhe në VV.

Dhe thënia e vjetër e Albinit

Seç m’u kujtua sot për dreq :

«Hallat, tezet e daja janë për shtëpi,

e kryekomunari për hajni».

Në ç’polikollor ka rënë kaq keq,

Me ngjyrë t’shkolles e lyejti shtëpinë e vet

Ca thasë me euro ranë në Besianë,

Kryehajni tenderave ua kajti atë nanë!