Debati i fundit: A do ta ketë “guximin” Shpejtim Bulliqi të përballet me kundërkandidatët?

Sonte nga ora 23:00, në Klan Kosova do të zhvillohet debati përfundimtar mes kandidatëve për kryetar të Komunës së Podujevës.

Kandidatët Ekrem Hyseni nga Lidhja Demokratike e Kosovës (LDK) dhe Isak Shabani nga Partia Demokratike e Kosovës (PDK) tashmë kanë konfirmuar pjesëmarrjen e tyre në këtë përballje televizive.

Ndërkohë, kandidati i Lëvizjes Vetëvendosje (LVV), Shpejtim Bulliqi, deri më tani nuk e ka paralajmëruar pjesëmarrjen në këtë debat.

Në debatet e kaluara, Bulliqi është përmendur shpesh për deklaratat e tij kontroverse, si “invalid në Koliq a?” dhe “ka vdekë prej tute”, që kanë ngjallur reagime të shumta në opinionin publik.

Megjithëse nuk ka dhënë ndonjë njoftim zyrtar për pjesëmarrje në Klan Kosova, Bulliqi ka paralajmëruar se sonte do të jetë i pranishëm në Teve1.

Mbetet të shihet nëse ai do të gjejë kurajon të përballet ballë për ballë me kundërkandidatët e tij në debatin përfundimtar, pak orë para heshtjes zgjedhore.