Ekrem Hyseni: Bizneset do të trajtohen në mënyrë të barabartë

Kandidati për kryetar të Podujevës, dr. Ekrem Hyseni, ka vizituar sot kompaninë “Galanteria”, e cila prej dekadash është një ndër bizneset më të njohura në komunë për prodhimin e mobilieve dhe dekoreve nga druri masiv.

E themeluar në vitin 1987, “Galanteria” fillimisht nisi me prodhimin e dekoreve nga druri, ndërsa me kalimin e viteve është zgjeruar në programe të tjera si: mobilie për zyra, shkolla, hotele dhe elemente të ndryshme për interier.

Gjatë vizitës, Hyseni theksoi se në qeverisjen e tij, bizneset lokale do të trajtohen në mënyrë të barabartë, duke shtuar se zhvillimi i tyre është thelbësor për rritjen ekonomike dhe punësimin në komunë.

“Sa më të zhvilluara e fuqizuara bizneset, aq më shumë mundësi për punësim dhe mirëqenie më të mirë për qytetarët tanë,” – tha Hyseni.