Xhevdet Pozhari i del mbështetje Ekrem Hysenit: Shpejtim Bulliqi paska ngritur dyshime për plagët e familjarëve të Ekrem Hysenit, kjo që paska bë është shumë e ultë

Analisti Xhevdet Pozhari, përmes një statusi në FB, ka reaguar lidhur me deklaratën skandaloze të Shpejtim Bulliqit, i cili ditë më parë në një studoo televizive u mor me familjarë të kundërkandidatit Ekrem Hyseni, duke mohuar gjithë atë që kanë përjetuar llapjanët në Koliq. 

Pozhari ka shkruar:

Shpejtim Bulliqi paska ngritur dyshime për plagët e familjarëve të Ekrem Hysenit.

Pra, në vend se të merret me program dhe të ballafaqohet me argumente, paska zgjedhur që të shkelë mbi plagët e tjetrit. Veçanërisht kur është kryetar që ka realizuar shumë projekte.

Në fund, e paska detyruar Ekrem Hysenin që në publik të rrëfehet se si në muajin prill të vitit 1999 i është plagosur babai, nëna, vëllai dhe motra. Po ashtu, se si i është vrarë vëllai 22-vjeçar. E paska vënë në pozitë që të “dëshmojë” për humbjet, për plagët.

Dr. Ekrem Hysenin e kam njoft në një prej momenteve më të vështira në jetë, kur babai im po kalonte në çastet e fundit të jetës. Tash e kam të qartë pse me gjithë atë përkushtim angazhohej. Përveç se profesionist, ai e njeh vuajtjen e tjetrit! Edhe kur tjetri heshtë, e lexon pa fjalë.

Kjo që paska bë Shpejtim Bulliqi është shumë e ultë.